Куни кеча шахарда дув-дув гап бошланди. Хаммаси уяли телефонлар оркали таркалаётган видео хакида. Айтишларича, ушбу бехаё "видеофильм"да таникли режиссёр Бахром Ёкубов хамда машхур актриса Диана Ягофароваларнинг тўшакдаги килмишлари суратга олинган! Кизик, бу видео кимга керак бўлди? Бировнинг шаъни, иззати, хурматига дог тўкилиши хакида нахотки бир бахя хам ўйлаб кўришмади? Аслида бугун машхурларимиз хаётига дахлдор бехаё видео ва фотосуратларнинг таркатилиши одат тусига кириб боряпти. Исм-шарифларини бирма-бир санаб ўтиш шарт эмас, мухими, бу дахшатли ўйинлар давом этяпти. Гётенинг бир фикри ёдимга тушди: "Пулни йўкотдинг-оз нарса йўкотдинг, обрўйингни йўкотдинг-кўп нарса йўкотдинг". Нахот, инсонлар бир-бирларининг кадр-киммати хакида ўйлашмаса? Бунинг учунг жуда аклли ёки доно бўлиш шарт эмас-ку? Фахм-фаросат нуксониятимикан, бу? Шахсан мен эксперт эмасман, видеода суратга тушганлар ўша машхурларми ёки уларга ўхшаш чехралар... Менга бунинг дахли йўк! Кизиктирадигани, бехаё видеоларни таркатиш кимга керак? Агар шу оркали хам мўмай даромад орттирришмокчи бўлишса, бундай харом пуллар юкармикан?! Ўт тушсин, бундай чиркин бизнесга! Агар, ўсиб келаётган актриса ва жуда иши юришаётган режиссёр томон катта харсанг тош отиш режаси бўлса, бу марднинг иши эмас! Инсоф сўраган бўлардим, хар биримизга! Дарвоке, инсоф сўраб нима килдим, ўша бехаё кахрамонлар-у, тўшакка тутилган "чирок"ни таркатаётганлар кези келиб барибир килмишига яраша жазосини олади. 

Бахром Ёкубов ва Диана Ягофароваларнинг бу холат юзасидан фикрлари кандайлиги билан кизикдик:

Бахром Ёкубов: Мен хам бу видеони кўрдим. Менга ўхшайдиган одамни топишибди. Киз эса Дианага умуман ўхшамайди. Дианани кетма-кет учта фильмимда хам бош ролда суратга олганим душманларимга роса кўл келган кўринади. Хаммага инсоф берсин.

Диана Ягофарова: (йиглаб олгандан сўнг). Мен кучли кизман. Хаммасини енгиб ўтишимга ишонаман. Факат бир нарсани аник биламан, рейтингим ошиб кетаётгани кўпчиликни тахликага солиб кўйган кўринади. Ишонаман, мендан нафратланадиганлардан кўра, мени кадрлайдиган мухлисларим кўпрок! Дўстларим бундай нохуш вазиятда менга далда бўлишяпти. Хатто айримлари видео таркатаётганларни бориб дўппослаб келмокчи!

Тўгри, бу гапларни эшитиш ўн чандон огир бўлса, уни хазм килиб, гапириш тикон устида ўтириш билан баробар бўлса керак! Нима? Качон? Каерда? Кай тарзда?.. Саволлар кети узилмайди. Ким хак, ким нохак?...Бу каби саволларга жавоб топиш ва мухокама килиш бизга эмас. Энг мухими, иймони бутликдан, виждонан тозаликдан, инсофи одилликдан айирмасин!