ЗАДАГОННИНГ ҚИЗИ, МИЛЛИОНЕРНИНГ КЕЛИНИ, ТАДБИРКОРНИНГ РАФИҚАСИ...САНЪАТИНИНГ ОРҚАСИДАН "БОЙ ЛЭДИ” БЎЛА ОЛАДИМИ?
Лола. Ажойиб аёл. Жуда замонавий ва аққли ҳам. Шоу-бизнесга ҳам, шу оламнинг икир-чикирларига ҳам фаҳми-фаросати етади. Журналист билиб-билмай айрим хонанда ва ҳофизаларнинг ёлғонларини фош этиб ё сирларини ошкор этиб қўйса, шаллақилик ва дўғ-пўписага ўтиб оладиганлар ундан ўрнак олса қанийди? Лола шов-шув кўтаришни ва шов-шувлар оламида ўзини қандай тутишни яхши билади. Айни дамгача унинг ижоди ва шахсий ҳаётида нелар содир бўлгани кўпчиликка маълум. Назаримда, сизга ҳам, бизга ҳам унинг ўзбек шоу оламидаги фаолиятининг буёғи қизиқ. У "Қийналар қалбим”ни куйлаб чиқиб кўпчиликни ҳайратга солди. Қўшиқни илк бор тинглаганлар эса, хонанданинг оиласида кўнгилсизлик содир бўлдимикан, "олтин қафас”да не қиларини билмай қолдимикан, турмуш ўртоғидан ажрашдимикан, деган шубҳа ва гумонларга бориши тайин. Бироқ, Лола ТВдаги чиқиши ҳамда мана бугунги матбуот анжуманидаги махсус дискка жойлаштирилган фотосуратлари орқали ҳамма бўлмағур гапларга нуқта қўйди. Турмуш ўртоғи, фарзандлари, устига-устак сингли ҳамда унинг фарзанди ҳам...Фотосуратларни кўриб кўзинг қувнайди. Лола задогон оиланинг фарзанди эканлиги мухлисларга сир эмас. Энг муҳими, унинг тарбиясида бойларга хос виқордан кўра халққа яқинлик ва орасталик бор. Задогон оилага келин бўлганини ҳам биласиз. Бироқ, у айниб кетмади. Турмуш ўртоғи ҳам машҳур тадбиркор. Қизиқ, миллионлар дунёсида яшаган Лола санъатни нега тарк этди-ю, яна нега қайтди? Таъбир жоиз бўлса, бугун катта-катта юлдузлардан тортиб мардикоргача қўшиқ куйлаётганинг энг асосий сабаб шоу орқали бизнес қилиш! Қўшиқ куйлаб, пул топиш ҳамда бойиб кетиш! Бир ёш хонандадан сўрадим, нега куйлаяпсиз деб... "Инфинити” олиш учун дейди, у "бечора”! Ғалати... Майли биз яна мавзуга қайтамиз. Лола балки, санъати орқасидан ўз шахсий бизнесини ривожлантириб, "миллионер лэди”га айланмоқчидир! Нима бўлганда ҳам омадини берсин! Энг қизиғи, матбуот анжуманида ёшларнинг севимли хонандаси мухлисларни қизиқтирган айрим саволларга очиқ-ошкора жавоб берди. Интервью билан эртага танишасиз!
|
