1 ИЮН- ХАЛҚАРО БОЛАЛАРНИ ҲИМОЯ ҚИЛИШ КУНИ МУНОСАБАТИ БИЛАН, ФАРЗАНДИ БОР МАШҲУРЛАРГА УЧТА САВОЛ БИЛАН МУРОЖААТ ҚИЛДИК. ЎЙЛАЙМИЗКИ, УЛАРНИНГ ЭКСКЛЮЗИВ МАЪЛУМОТЛАРИ ВА ТИЛАКЛАРИ СИЗ УЧУН ҚИЗИҚАРЛИ БЎЛАДИ.
1. Ушбу байрам куни болалигингизда қандай совғалар олгансиз?
2. Фарзандингизни бу байрамда қай тарзда хурсанд қиласиз?
3. Бутун дунё болажонларига тилакларингиз?
РАЪНО ШОДИЕВА:
1. Болалигимда ота-онам акам билан менга, агар яҳши баҳга ўқисак, 1-июн Халқаро Болаларни ҳимоя қилиш байрамида Россиядаги энг яҳши оромгоҳларида дам олишга юборишарди.
2. Ҳар йили фарзандларимни истироҳат боғларига олиб бораман. Ундан сўнг эса ресторанга бориб, байрамни нишонлаймиз. Бу йил болаларимни кўчага олиб чиқа олмадим, лекин кечга яқин уларни "Белла Наполи” ресторанига олиб бориб меҳмон қилмоқчиман.
3. Болаларга энг аввало соғлик тилайман. Доимо ота-оналарининг бағрида бўлишсин.
НИЛУФАР УСМОНОВА:
1. Болалик чоғларим зўр ўтган дея олмайман. Сабаби онамнинг вақти эл хизматлари ва гастроллар билан тиғиз бўларди. Мен тез катта бўлиб қолган қизман. Байрам кунлари ўртоқларим билан янги кийимларимни кийиб истироҳат боғларига айланишга чиқардим.
2. Бу байрамда ўғлим учун албатта вақт топаман. Гўзаллик салонига бориб, сочларимни турмаклатаман ва ўғлимни боғчадан олиб, энг яқин ўртоқларим билан кўришамиз. Кейин дугоналарим билан бирга маслаҳатлашиб, фарзандларимизга байрам столи ташкил қиламиз.
3. Фарзандларимиз омон бўлсин. Ота-оналаридан фақатгина дуо олиб юришсин.
МИРЗАБЕК ХОЛМЕДОВ:
1. Тўғрисини айтсам, бунақа байрам бизнинг болалигимизда бўлмаган.
2. Бугун болалар куни муносабати билан кенжа ўғилимга уяли телефон аппарати сотиб олдим. Унга совға қилмоқчиман.
3. Биласизми, кўча тўла инсон лекин яхшиси кам. Шунинг учун болаларимиз яхши инсонлар бўлиб улғайишсин. Биз болалигимизда кўп меҳнат қилардик, хозиргилар бир оз дангасароқ. Шунинг учун болаларимиз ота-оналарига қараб қолишмасин, меҳнаткаш бўлишсин.
НОЗИМА ВОҲИДОВА:
1. Биз оилада еттита опа-укамиз. Ота-онам зиёли ўқитувчилар бўлганлиги боисми бизга болалигимиздан фақат китоб совға қилишган.2. Бугун 21 ёшли ўғлим менга "Онажон бугун менинг байрамим” деса бўладими?! Уни бағримга босиб табрикладим. Саксон ёшга кирган она учун қирққа кирган фарзанди ҳам боладек кўринади. Болалик - инсоннинг энг беғубор дамлари ҳисобланса керак.
3. Сизларга бир маълумотни айтсам. Дунё бўйича болаларнинг расмлар танлови ўтказилибди. Танловнинг ҳайъат раиси Жавоҳирлал Неру расмларни кўздан кечира туриб, бир расмнинг олдида узоқ тўхтаб тургач, энг олий ўринни шу расм муаллифига бериш керак дея таъкидлади. Қолган ҳайъат аъзолари бундан ҳайрон бўлишди. Ахир расмда оддий доирага қош ва кўзлар чизилган эди. Неру шундай жавоб беради: "Бу расмда 3 ёшли бола онасини тасвирлаган. Демак, онасига жуда ҳам меҳри баланд. Онасига меҳр берган бола ўз Ватанига ҳам ана шундай меҳр бериб, садоқатли фарзанд бўла олади.
ЗЕБО НАВРЎЗОВА:
"БУГУНГИ ЎЗБЕКИСТОН БОЛАЛАРИ ҲАММАМИЗДАН БАХТЛИ!”
ВАЛИЖОН ШАМСИЕВ: "БАЙРАМДА
КОСТЮМ-ШИМ СОВҒА ҚИЛИШГАН, УНГАЧА АКАЛАРИМНИКИ КИЙИБ ЮРГАНМАН.”
ШОИРА ОТАБЕКОВА: "УЧ
ЙИЛДАН БЕРИ ҚИЗИМ ШАҲИНА УЧУН МАХСУС ДАСТУРХОН БЕЗАТАМАН!”
ОЗОДБЕК НАЗАРБЕКОВ:
"БУ БАЙРАМ КУНЛАРИ ХЎРОЗҚАНД ВА ПАХТАҚАНД ТАЙЁРЛАБ СОТГАНМАН.”
