Rossiyaning TNT kanali orqali namoyish etiladigan "Nasha Russia” dasturi qahramonlaridan biri Mixail Galustyan 1979-yilning kuzida Sochida dunyoga kelgan. Uning otasi o`g`lini neft magnati bo`lishini juda hohlar edi. Lekin o`g`li "quloqsiz” chiqib qoldi. Otasining aytganini qilmagan Mishadan hozirda ota-onasi hafa emas.

Mixail bolaligidan latifalarni tez yod olishi va ularni kulgili qilib do`stlariga aytib berishi orqali alohida e`tabor qozongan edi. Uni hazilkashligi uchun do`stlari ham yoqtirar edi.

Mixail: ”Nega meni ko`rganida hamma kulishini men maktabda o`qib yurgan kezlarimdayoq bilganman. Men do`stlarimdan hafa bo`lib, oynani yoniga bordim va ular haq ekanligiga ishondim. Ular hammasi baland bo`yli, chiroyli. Men esa… Meni ustimdan kulishsa ham menga qattiq botmas edi. Aksincha men bundan foydalanishga urindim. Masalan, maktabda biz sahna k`orinishlari tayyorlar edik. Men bitta spektaklda Karabas-Barabas va Kardinal obrazini yaratganman. Qolgan bolalar esa, quyon va kovboy bo`lishgan”.

Tashqi ko`rinishi va optimistic ruhda bo`lishi Mixailga komik bo`lib yetishishida yordam berdi.

Mixail: "Men maktabda haqiqiy masxaraboz edim. Doimo darslarni buzardim. Shuningdek darslardagi yozishmalar ham mening qo`limdan o`tar va men nazorat qilib turar edim. Ularda turli hazillar, latifalar va hatto sevgi maktublari ham bo`lar edi”.

Mishadan qanday neft magnati chiqardi, bilmadik-ku, lekin "Nasha Russia”da yaxshigina futbol murabbiyi bo`lgan.

Mixail: "Menga murabbiylik unchalik qiyinchilik tug`dirmaydi. Men shunday odamman. Biror narsa yoqmadini tezda portlayman va tezda o`chaman. Menga o`zim yaratgan obrazlar ichidan tojik yoqadi. Uning xarakterining qaysidir tomonlari menda ham mavjud. Menimcha bu uning mulohaza bilan gapirishi bo`lsa kerak”.

Mixail birinchi mashinasini sotib olganidan so`ng uning hayoti o`zgardi. Unga mashhurlik va pul keldi. Shuning uchun ilk mashinasi kalitini u o`zi uchun ham omad kaliti deb ataydi. Bu kalitni doimo o`zi bilan olib yuradi. Shuning uchun ham ilk mashinasini ancha vaqtgacha almashtirmadi.

Yetti yil oldin komik ilk marotaba qo`liga haydovchilik guvohnomasini olganda kuchli va ishonchli "Toyota RAV4” avtomobili sotib olishni ko`ngliga tuggan edi. Bu mashina mashhur egasining ishonchli hamrohiga aylandi.

Avtomobilni almashtirishga kelganida Mixail o`ylanib qoldi. U hayotda sahnadagiga umuman o`xshamagan tarzda jiddiy va mulohazali odam.

Mixail: "Men olmon mashinalaridan birini harid qilmoqchi edim. "BMW” – injiq mashina. "Mersedes”ga servis hizmat ko`rsatishlari qimmat turadi. Men uchun "Audi” va "Volkswagen” qoldi. Uyimning oldida "Audi - markaz” joylashganligi menga bu masalani hal qilishimda ko`mak bo`ldi”.

Mixail "Audi A3” sotib olmoqchi bo`ldi. Lekin u do`stlarining maslahatiga ko`ra kumush rangli "Audi TT” harid qildi.

Mixail: "Mashinam menga juda yoqadi. U sport rusumida, zamonaviy va tez yuradi. Men yorqin ranglarni yoqtiraman. Lekin, agar qizil ranglisini olsam, uzog`I bilan uch oy minaman holos. Chunki bu rang hammani e`tiborini tortadi. Men shuning uchun ham kumush ranglisini tanladim. Buning ustiga changlar ham darrov ko`zga tashlanavermaydi. Agar mashinamni toza yuvmagan bo`lsam ham DAN hodimlar jarimaga tortmasligi mumkin”.