Bolaligi qiyinchiliklar bilan boy bo`lgan Iroda Dilroz bugun ko`pgina muxlislarga ega bo`lgan qo`shiqchi bo`lib yetishgan. Ko`pincha qo`shiq kuylab yurishiga qaramasdan uning orzusi huquqshunos bo`lish edi. Lekin san`atga bo`lgan qiziqish ustun keldi. Hozirda bolaligidagi orzusi haqida honanda shunday eslaydi:
I. D.: "Bolaligimda huquqshunos bo`lishni istar edim. San`atga bo`lgan qiziqish ustunlik qilib, "Tomosha”ga bordim. Keyinchalik hayotimni san`atsiz tasavvur qilmasligimni tushundim. Huquqshunos halol odam bo`lishi zarur. Shu tarafi bilan menga yoqadi bu kasb”.
Estrada kolleji va San`at Institutini tugallagan Iroda 2001-yilda Prezidentimiz tomonidan yosh iqtidor egalarini qo`llab-quvvatlash maqsadida ta`sis etilgan "Nihol” mukofoti bilan taqdirlanadi.
Aynan shu yili Iroda haydovchilik guvohnomasini oldi va o`zi uchun oppoq Nexia mashinasini sotib oldi.
I. D.: "Bolaligimda tushimda ko`p marotaba mashina haydar edim. Doimo tezlikni oshirib yuborib, tormoz tepkisini topa olmay qo`rqib chiqar edim”.
Iroda Dilroz yo`l qoidalariga rioya qilib, ularni buzmaslikka harakat qiladi. Lekin shunga qaramay ba`zida shohsgan paytida tezlikni oshirishga majbur bo`ladi.
I. D.: "Men doimo yo`l qoidalariga rioya qilaman. Lekin ba`zida tezlikni oshirishga majbur bo`laman. Meni DAN hodimlari faqatgina tezlikni oshirganim uchun to`htatishadi. Ko`pincha tanib qolib, qo`yib yuborishgan”.
Qo`shiqchi shahsiy garajida ko`plab chiroyli mashinalari bo`lishini hohlaydi.
I. D.: "Menga juda ko`plab mashina markalari yoqadi. Ularni tanlashda hatto tilim lol bo`lib qoladi. Yevropa mamlakatlarida ishlab chiqarilayotgan mashinalarga qiziqishim o`zgacha, ayniqsa BMW mashinam bo`lishini hohlar edim”.
Shuningdek qo`shiqchi o`zining mashinasiga bo`lgan o`zgacha hurmatini ham yashirib o`tirmadi.
I. D.: "Bu mashina men uchun qadrdon bo`lib qolgan. U ko`plab yutuqlarimning guvohi. Shu sababli ham boshqa mashina olgan taqdirimda ham bu mashinamni sotmayman”.
Hozirgi vaqtda Iroda Dilroz san`at olamiga, ijod qilishga kirishib ketgan. Biz u kishiga ijodda omad tilab, yangi-yangi taronalar kutib qolamiz.