Forbes jurnali e`lon qilgan jadvalga ko`ra eng ko`p gonorar olish bo`yicha Anjelina Joli Gollivud aktrisalari ro`yhatiga peshqadamlik qilmoqda.
2008-2009-yil davomida aktrisa 27 million dollar ishlab topgan. Uning daromadining asosiy qismi Timur Bikmambetov tomonidan suratga olingan “Havfli” filmi uchun qo`lga kiritilgan foizlar bo`ldi. Shuningdek Anjelina hali ekranlarga chiqib ulgurmagam “Salt” filmi uchun ham kattagina miqdorda gonorar qo`lga kiritgan.
25 million dollar ishlab topgan Jenifer Eniston ro`yhatda ikkinchi o`rinni egallagan. Bu pullarning asosiy qismini aktrisa “Marli va men” komediyasidagi roli uchun qo`lga kiritgan. Eniston “Do`stlar” teleserialidagi roli uchun ham gonorar qo`lga kiritmoqda.
Ro`yhatda uchinchi o`rinni aktrisa Meril Strip egallagan. “Mamma Mia” myuziklida suratga tushgan aktrisa o`tgan yil davomida 24 million dollar ishlab topgan. 23 million bilan Sara Jessika Parker 4-o`ringa, 20 million puli bilan Kakeron Dias 5-o`ringa loyiq topilgan.