26 июн куни, таникли америкалик хонанда Майкл Жексон Лос-Анжелос шифохоналаридан бирига зудлик билан олиб борилган.

Маълум бўлишича, хонанданинг юраги тўхтаб колган. Бемор хаётини саклаб колишга хатто сунъий кардиостимуляция хам ёрдам бермаган.

50 яшар Майкл сўнгги йилларда сахнада кўшик куйлашни тўхтатган эди. Шифокорлар хонанданинг кўп сонли пластик операциялари хисобига вужудга келган салбий окибатларни бартараф этиш билан овора бўлишди.

Бундан ташкари, тери ўсмаси касаллиги ривожланганлиги сабабли, хонандани операция килиш хам керак эди. Шу боис хам бир неча йиллар у концерт турини ортга суришга мажбур бўлганди.

Майкл Жексон илк бора сахнада  Jackson 5 гурухида ака-укалари билан кўшик айтишни бошлаган. 1971 йилдан бошлаб хонанда яккахон ижод килди.

У Thriller (1982), Bad (1987) ва HIStory (1995) альбомлари туфайли катта шухрат козониб, "Thriller"  Гиннеснинг Рекордлар китобига дунёдаги энг харидоргир альбом сифатида киритилган. 

1990 йилларда Майклнинг хаётида мусика иккинчи планга ўтди.  Жанжаллар, унинг "баччавоз"лиги хакидаги айбловлар, ташки кўринишининг ўзгариши ва соглиги хакидаги нохуш хабарлар Майклнинг кунлик муаммоларига айланиб, омма учун асосий мавзуга айланиб колди.

2005 йилдаги суддан кейин ОАВларининг диккати хонанданинг молиявий инкирозига каратилди.

Майкл Жексондан уч фарзанд колди:  Майкл Жозеф Жексон, Пэрис Майкл Кэтрин Жексон ва Принс Майкл Жексон.

Майкл 15 июлда Лондонда янги концерт турнесига старт бериши керак эди. Афсус, бу факат армон бўлиб колди. Неча йиллардан бери Майклнинг концертига тушишни орзу килган лондонликлар каттик кайгуда.  

Айни пайтда хонанданинг миллионлаб мухлислари изтироб чекмокда. Уларнинг фикрича, Майкл каби санъаткор бошка тугилмайди. Ашаддий мухлислар Индиана шатати Гэри шахарчасида жойлашган, Майкл тугилиб ўсган уйга келиб таъзия билдиришмокда. Яна бир неча минг мухлислар Нью-Йоркнинг Таймс Сквер майдонига йигилиб, поп кироли хакидаги таассуротларини бир-бирларига бўлишмокда.

Хаёт шу экан-да... Бир-биримизнинг кадримизга етишни унутиб кўямиз. Вакт эса караб турмайди. Мана шундай ўтиб кетади. Майклни дунёнинг дардлари еб битирган бўлса, не ажаб?