Ҳар бир мавсум тугагач, трансфер бозорида олди-сотдилар авжига минади ва ҳар сана шов-шувли трасферлар амалга оширилади. Ушбу мавсум ҳам бундан ҳоли бўлмаяпти. Аввалига “Милан”дан асло кетмайди, деб эътироф этилган Кака 67,2 миллион еврога “Реал” клубига ўтиб кетди. Энди эса 94 миллион евро қаршисида Роналду деярли Мадрид тараддудида. Пул билан битмаган иш кўп пул билан битади, дегани шу бўлса керак. Келинг, трансфер дунёсининг энг қиммат савдоларини бир-бир ёдга оламиз ...
1-ўрин: Криштиано Роналду – 94 миллион евро. Йўналиш: “МЮ”-“Реал”. “Қизил иблислар”нинг суякли эркатойи... Унга таклиф қилинган сумма астрономик кўринишда... У ҳам 7-рақамнинг олдинги эгаси Девид Бекхэм изидан Мадридга боришни ихтиёр қилган кўринади...
2-ўрин: Зинедин Зидан – 71, 6 миллион евро. Йўналиш: “Ювентус”-“Реал”. Сана: 2001 йил.
Ҳозирда Мадриднинг “Реал” клубида маслаҳатчи бўлиб ишламоқда. Айтганча, “Роналду иши”да унинг ҳам қўли бор.
3-ўрин: Кака – 67,2 миллион евро. Йўналиш: “Милан” – “Реал”.
4-ўрин: Луиш Фигу – 61,4 миллион евро. Йўналиш: “Барселона” – “Реал”. Сана: 2000 йил.
Бу йилги мавсумни “Интер”да ўтказди ва мавсум сўнгида фаолиятини тугатишини эълон қилди.
5-ўрин: Эрнан Креспо – 56,2 миллион евро. Йўналиш: “Парма” – “Лацио”. Сана: 2000 йил.
Жозе Моуриньо билан келишолмаган юлдуз “Интер”ни тарк этди. Ҳозирда “Женоа”га ўтишга яқин турибди.
6-ўрин: Гаиски Мендиета – 48 миллион евро. Йўналиш: “Валенсия” – “Лацио”. Сана: 2001 йил.
Охирги жамоаси “Мидлсбро” эди. Ўтган йили жароҳати туфайли фаолиятини тугатди.
7-ўрин: Рио Фердинанд – 46,7 миллион евро. Йўналиш: “Лидс” – “МЮ” Сана: 2002 йил.
Ҳозирда ҳам шу “МЮ” таркибида фаорлиятини давом эттирмоsда. Ҳануз дунёнинг энг яхши ҳимоячиларидан бири.
8-ўрин: Кристиан Вьери – 46,5 миллион евро. Йўналиш: “Лацио” – “Интер”. Сана: 1999 йил.
Ушбу мавсум “Аталанта”да ўйнади, аммо мухлисларнинг норозилигига чида олмай клубни тарк этди.
9-ўрин: Андрей Шевченко – 46 миллион евро. Йўналиш: “Милан” – “Челси”. Сана: 2006 йил.
“Милан”даги икккинчи даври кўнгилсиз ўтмоқда. Ўтган кунларини соғиниш билан банд.
10-ўрин: Роналдо – 45 миллион евро. Йўналиш: “Интер” – “Реал”. Сана: 2002 йил.
Ҳозирда мамлакатининг “Коринтианс” клубида янгитдан туғилди, аммо олдинги Роналдо билан ораларида тоғдек фарқ бор.
| 
